لقينا سكينة في الصبيطار وحالتها صعيبة ملي سولت الرجال اشنو وقع قالو ليا بلي تعرضو لهجوم من طرف شي تجار المخدرات كنا ضربنا ليهم مليار ديال السلعة....
ديك اللحظة متصوروش شحال كنت معصب مشينا ديك الساعة باش نتحاسبو معاهم ولكن ملقيناش ليهم الاثر. ولكن مستسلمتش قلت نخليها حتا نطيحهم فشي فخ. معلينا رجعت عند سكينة لقيتهم دارو ليها عملية وقاليا طبيب بلي غدي تولي بيخير. من بعد ملي فاقت دخلت عندها وبديت كنهضر معاها و كانت هدي أول مرة غدي نهضر معاها من بعد الجنازة ديال باباها حيت مكنش عندي لوقت. وأول حاجة قالت ليا هي حتا أنا كنبغيك وأنا نتفكر الورقة لي عطيتها في المطار هههههه متصوروش شحال فرحت وحتا الانتقام نسيتو غاع ههههههههه دازت يومين خرجناها من الصبيطار و احتفلنا بيها من بعد عرضت عليها الزواج. وفعلا تزوجنا وأول حاجة درت هي بدلت المقر ؤ خفيت الهوية ديال اني الشاف ديال المافيا باش واليديا وسكينة يبقاو في امان.
من بعد العرس مشينا دوزنا شهر العسال في التيوان و دزنا لهونغ كونغ كنا كنتسركلو بكل حرية حيت أنا أصلا ممعروفش بحكم كنت واخد الاحتياطات ديالي من الأول. ديما كنخبي وجهي بشي ماسك مي غير في العمليات الكبار ولي على برا.
داز شهر العسال ورجعنا فحالنا وكنت مرة مرة كنديها عند لواليد و لواليدة في العروبية.
وبقات الحياة غدا هكاك وانا مرة فشي صفقة ديال الحشيش ومرة في الابتزاز وووووو. حتال واحد النهار غدي تجينا خبار خيبة من الحلف الروسي. وفاة الشاف ديال المافيا الروسية لي كتعتبر أقوى وأخطر رجل مافيا في العالم. لدرجة الرئيس الروسي حضر في الجنازة ديالو هو و قياد الجيش الروسي.
من بعد الجنازة رجعنا فحالنا و كملنا الاعمال ديالنا بشكل عادي. واحد نهار غدي نتلقاو عرض من عند واحد البرلماني بغا يهرب الفلوس ديالو لبنما مقابل 500 مليون. حنا أولا التهريب مشي خدمتنا وثانيا حتا لو كان كنا كنديرو هاد الخدمة مغديش نقبل بكل بساطة ميمكنش لينا نتيقو فبرلماني. مي هو بقا كيلح علينا وقالينا بلي مبغاش يخلص على هاد الفلوس ضرائب وووو. ...
أنا رفضت حيت جاتني فشكل واحد بحالو يدير ثيقة فينا و يطلب منا نهربو ليه فلوس. ولكن هو بقا مصر باش نفدو ليه الطلب ديالو شفت حتا عييت وانا نحط ليه فردي فراسو وقلت ليه يإما تنمشي فحالك ؤلا نسف لمك راسك.
صافي السيد شاف لقضية حامضة وهو يمشي فحالو. ولكن بقينا مراقبينو واحد المدة حتا تاكدنا بلي مغديش يشكل علينا شي خطر عاد قلبنا عليه.
بعد عامين ديال الزواج بي سكينة غدي يتزاد عندي ولد هههههه فرحت وفي نفس الوقت وليت خايف حيت يقدرو ياديوهم وهوما أغلى ما عندي بعد واليديا.
حاولت نربيه باش يكون رجل صالح مبغيتوش يمشي في الطريق لي مشيت فيه و كنت مبعدو على الاعمال ديالي. مهم بقا كيكبر شوية بشوية ودخلتو لمدرسة وفي العطلة كنديه هو وماماه لعروبية ههه.
لمهم الطفولة ديالو دازت مزيان وملي كبر ؤ ولا عارف ولا كنتابه ليا ملي كنجي معطل بالليل ؤ ولا كيشك في نوع الخدمة لي كندير. مي أنا كنت كنكذب عليه و حتا ماماه كتقوليه بلي را خدام خدمة ممستقراش حتال واحد النهار غدي يشوف عندي الفردي هنا غدي نضطر نكدب عليه عوتاني وغنقوليه بلي راني بوليسي. مي ندمت علاش قلتها ليه حيت غير سمع بلي أنا بوليسي وهو يفرح بزاف ولا كقول لصحابو في المدرسة (بابا بوليسي ) واللي تلاقا معاه كيقولها ليه. ومن تما ديما كيسولني شحال من شفار شديت و شحال من قتال وشحال من من من... ولكن هو ماعرفش بلي باباه هو أخطر مجرم.
من بعد ما غدي يولي يقرا في الكتريام غدي يتزاد عندي ولد اخر ولكن هاد الولد غيخرج كيشبه ليا وغدي يولي عنيف و عزيز عليه المشاكل مشي بحال خوه ولكن واخا هكاك كنت خيف عليه عليه كثر من الاخر حيت مبغيت حتا شي واحد منهم يولي بحالي.
من بعد الدري الكبير خدا الباك قرر باش يدير القانون و يولي بحالي بوليسي زعمة. بدا كقرا على القانون و كان كيجي ديما هو الاول. وملي كمل القرايا توظف مباشرة. بطبيعة الحال تدخلت ليه أنا واخا انا كنت رافض هاد الفكرة حيت مبغيتوش يكون العدو ديالي حيت بمجرد انه يدخل الامن غدي يعرف حقيقتي و يمكن ميبقاش يحملني. بديت كنفكر نقوليه الحقيقة ديالي مي خفت تاثر عليه نفسيا. وخليتها على مولانا. مهم صيفتوه يخدم في الداخلة بعدوه عليا هدي حاجة مزيانة ههه أما الدري الصغير خرج ليا من الجنب داك شي لي مبغيتش هو لي وقع ملي كبر شوية ولا كيدخل راسو في المشاكيل و يجبد الصداع بصفة اخرى الاجرام عندو في الدم حتا من الالعاب لي كان كيلعب غير ديال القتيلة و المطيفات ..
واحد نهار كنت داير اجتماع مع الرجال كنهضرو على واحد العملية غدي نفدوها ديك الساعة و سمع كولشي و مشا تخبا لينا في الكوفر ديال الطوموبيل ملي وصلنا لبلاصة كنتفجأ لقيتو كيتسلت من ورا الطوموبيل وأنا نشدو و معرفت مندير ديك الساعة ميمكنش لينا نلغيو العملية حيت هدي هي الفرصة الوحيدة لي عندنا و في نفس الوقت كنت خايف عليه. حيت غدا تنوض قرطاص. لمهم قررت باش نخليه ونبقا راد ليه البال أنا التركيز ديالي مبقاش مع العملية وليت مركز عليه غير هو لا توقع ليه شي حاجة حيت الى تقاس سكينة غدا تلومني غير أنا. من بعد جاو دوك لي كنا مستهدفينهم وهي تنوض مكين غير الترطيق. الحمد الله موقع ليه والو ورجعنا فحالنا. ولكن ....
يتبع..
ديك اللحظة متصوروش شحال كنت معصب مشينا ديك الساعة باش نتحاسبو معاهم ولكن ملقيناش ليهم الاثر. ولكن مستسلمتش قلت نخليها حتا نطيحهم فشي فخ. معلينا رجعت عند سكينة لقيتهم دارو ليها عملية وقاليا طبيب بلي غدي تولي بيخير. من بعد ملي فاقت دخلت عندها وبديت كنهضر معاها و كانت هدي أول مرة غدي نهضر معاها من بعد الجنازة ديال باباها حيت مكنش عندي لوقت. وأول حاجة قالت ليا هي حتا أنا كنبغيك وأنا نتفكر الورقة لي عطيتها في المطار هههههه متصوروش شحال فرحت وحتا الانتقام نسيتو غاع ههههههههه دازت يومين خرجناها من الصبيطار و احتفلنا بيها من بعد عرضت عليها الزواج. وفعلا تزوجنا وأول حاجة درت هي بدلت المقر ؤ خفيت الهوية ديال اني الشاف ديال المافيا باش واليديا وسكينة يبقاو في امان.
من بعد العرس مشينا دوزنا شهر العسال في التيوان و دزنا لهونغ كونغ كنا كنتسركلو بكل حرية حيت أنا أصلا ممعروفش بحكم كنت واخد الاحتياطات ديالي من الأول. ديما كنخبي وجهي بشي ماسك مي غير في العمليات الكبار ولي على برا.
داز شهر العسال ورجعنا فحالنا وكنت مرة مرة كنديها عند لواليد و لواليدة في العروبية.
وبقات الحياة غدا هكاك وانا مرة فشي صفقة ديال الحشيش ومرة في الابتزاز وووووو. حتال واحد النهار غدي تجينا خبار خيبة من الحلف الروسي. وفاة الشاف ديال المافيا الروسية لي كتعتبر أقوى وأخطر رجل مافيا في العالم. لدرجة الرئيس الروسي حضر في الجنازة ديالو هو و قياد الجيش الروسي.
من بعد الجنازة رجعنا فحالنا و كملنا الاعمال ديالنا بشكل عادي. واحد نهار غدي نتلقاو عرض من عند واحد البرلماني بغا يهرب الفلوس ديالو لبنما مقابل 500 مليون. حنا أولا التهريب مشي خدمتنا وثانيا حتا لو كان كنا كنديرو هاد الخدمة مغديش نقبل بكل بساطة ميمكنش لينا نتيقو فبرلماني. مي هو بقا كيلح علينا وقالينا بلي مبغاش يخلص على هاد الفلوس ضرائب وووو. ...
أنا رفضت حيت جاتني فشكل واحد بحالو يدير ثيقة فينا و يطلب منا نهربو ليه فلوس. ولكن هو بقا مصر باش نفدو ليه الطلب ديالو شفت حتا عييت وانا نحط ليه فردي فراسو وقلت ليه يإما تنمشي فحالك ؤلا نسف لمك راسك.
صافي السيد شاف لقضية حامضة وهو يمشي فحالو. ولكن بقينا مراقبينو واحد المدة حتا تاكدنا بلي مغديش يشكل علينا شي خطر عاد قلبنا عليه.
بعد عامين ديال الزواج بي سكينة غدي يتزاد عندي ولد هههههه فرحت وفي نفس الوقت وليت خايف حيت يقدرو ياديوهم وهوما أغلى ما عندي بعد واليديا.
حاولت نربيه باش يكون رجل صالح مبغيتوش يمشي في الطريق لي مشيت فيه و كنت مبعدو على الاعمال ديالي. مهم بقا كيكبر شوية بشوية ودخلتو لمدرسة وفي العطلة كنديه هو وماماه لعروبية ههه.
لمهم الطفولة ديالو دازت مزيان وملي كبر ؤ ولا عارف ولا كنتابه ليا ملي كنجي معطل بالليل ؤ ولا كيشك في نوع الخدمة لي كندير. مي أنا كنت كنكذب عليه و حتا ماماه كتقوليه بلي را خدام خدمة ممستقراش حتال واحد النهار غدي يشوف عندي الفردي هنا غدي نضطر نكدب عليه عوتاني وغنقوليه بلي راني بوليسي. مي ندمت علاش قلتها ليه حيت غير سمع بلي أنا بوليسي وهو يفرح بزاف ولا كقول لصحابو في المدرسة (بابا بوليسي ) واللي تلاقا معاه كيقولها ليه. ومن تما ديما كيسولني شحال من شفار شديت و شحال من قتال وشحال من من من... ولكن هو ماعرفش بلي باباه هو أخطر مجرم.
من بعد ما غدي يولي يقرا في الكتريام غدي يتزاد عندي ولد اخر ولكن هاد الولد غيخرج كيشبه ليا وغدي يولي عنيف و عزيز عليه المشاكل مشي بحال خوه ولكن واخا هكاك كنت خيف عليه عليه كثر من الاخر حيت مبغيت حتا شي واحد منهم يولي بحالي.
من بعد الدري الكبير خدا الباك قرر باش يدير القانون و يولي بحالي بوليسي زعمة. بدا كقرا على القانون و كان كيجي ديما هو الاول. وملي كمل القرايا توظف مباشرة. بطبيعة الحال تدخلت ليه أنا واخا انا كنت رافض هاد الفكرة حيت مبغيتوش يكون العدو ديالي حيت بمجرد انه يدخل الامن غدي يعرف حقيقتي و يمكن ميبقاش يحملني. بديت كنفكر نقوليه الحقيقة ديالي مي خفت تاثر عليه نفسيا. وخليتها على مولانا. مهم صيفتوه يخدم في الداخلة بعدوه عليا هدي حاجة مزيانة ههه أما الدري الصغير خرج ليا من الجنب داك شي لي مبغيتش هو لي وقع ملي كبر شوية ولا كيدخل راسو في المشاكيل و يجبد الصداع بصفة اخرى الاجرام عندو في الدم حتا من الالعاب لي كان كيلعب غير ديال القتيلة و المطيفات ..
واحد نهار كنت داير اجتماع مع الرجال كنهضرو على واحد العملية غدي نفدوها ديك الساعة و سمع كولشي و مشا تخبا لينا في الكوفر ديال الطوموبيل ملي وصلنا لبلاصة كنتفجأ لقيتو كيتسلت من ورا الطوموبيل وأنا نشدو و معرفت مندير ديك الساعة ميمكنش لينا نلغيو العملية حيت هدي هي الفرصة الوحيدة لي عندنا و في نفس الوقت كنت خايف عليه. حيت غدا تنوض قرطاص. لمهم قررت باش نخليه ونبقا راد ليه البال أنا التركيز ديالي مبقاش مع العملية وليت مركز عليه غير هو لا توقع ليه شي حاجة حيت الى تقاس سكينة غدا تلومني غير أنا. من بعد جاو دوك لي كنا مستهدفينهم وهي تنوض مكين غير الترطيق. الحمد الله موقع ليه والو ورجعنا فحالنا. ولكن ....
يتبع..
فيسبوك
جوجل+
تويتر
ليست هناك تعليقات:
إترك تعليقك