ملي رجعنا بالي بقا مرون و بقيت كنفكر فهاد الشي لي وقع كفاش دري صغير في عمرو 13 عام كيشوف حرب قدامو وممخلوع ما والو صراحة انا تفاجأت وزدت توثرت وعرفت بلي هاد المسخوط غدي يمشي في الطريق ديالي مشكييييييلة هدي. أنا مبغيت حتا شي واحد من ولادي يمشي في الطريق لي مشيت فيه. من بعد قررت باش نصيفتو برا هضرت مع شي ناس في المانيا باش اردو ليه لبال تما ويبقاو يجيبو ليا خبارو. فعلا داك شي لي كان بقا تما مقابل غير لقرايا ومكانش كيخرج بزاف وكل سيمانة كيجيني تقرير عليه الحمد الله مكانش كيدير صداع ومبعد على المشاكيل. من بعد 5 سنين الولد الكبير غدي يترقا ؤ غيولي عميد شرطة في ولاية امن كازا. أنا فرحت و نفس الوقت مكانش عجبني حال حيت غدي يعرف حقيقتي و يقدر هاد الشي يأثر على العائلة و يشتت ليها الشمل......
مهم انا بديت كنقص من الأعمال و حتا الى كانت شي حاجة كنكلف غير الرجال. مبغيتش ولدي يشك فشي حاجة حيت مبقاش دري صغير را ولا عارف كولشي دابا. مي فاش جا لكازا مبقاش خدام مرتاح بكم هو عندو غير نيشان بدا كتعرض لمضايقات من طرف كبار الشخصيات حيت هما مولفين يخدمو بالتخلويض. وبدا كفكر استاقل ولكن هو كحب الخدمة ديالو وبقا كتقاتل معاهم وفي المدة لي دوز في كازا شد بزاف ديال المنحرفين و الخارجين عن القانون وطيح ريوس كبار هاد شي خلا بزاف ديال الناس كخافو منو و في نفس الوقت محاملينوش و بداو كخططو باش يتهناو منو.
واحد النهار كان راجع من الخدمة بالليل و هما يتبعوه شي وحدين بالطوموبيل وبداو كيتيريو فيه بالقرطاس مي فديك اللحظة هو قدر يهرب منهم. جا داك النهار لونو مخطوف و مخلوع بدينا كنهضرو معاه و عاود لينا اش وقع صافي وانا نشعل وقررت باش نوضع حد لهاد الشي. لغد ليه كان واحد المؤتمر و مجموعين فيه كبار الشخصيات غير سيدي و مولاي. وانا ندخل عليهم مشيت مباشرة لميكرو وقلت ليهم فلان هو ولدي ولي وقف في طريقو را غدي كون كيحفر قبرو بايدو. داك المؤتمر مقدروش اكملوه ملي عرفوني انا هو الاب ديالو. هاد شي درتو بلا خبارو. من بعد ملي مشا المقر ديال العمل ديالو كتفاجا ببنادم ولاو كحتارموه بزاف ؤ دوك لي كانو كيخرجو فيه عينيهم ولاو خايفين منو مهم مفهم والو.
من بعد الولد الصغير غدي يرجع من ألمانيا وغدي يبدى في المشاكيل عوتاني و ديما خوه هو لي كيدخل و كخرجو حيت كل مرة كضرب شي حد و كيتشد. ومهم ولا مكحلها في كازا كتعدا على اي واحد كيفما بغا يكون ولكن ملي عرفوه بلي العيمد هو خوه مبقا يقدر معاه حتا حد و زاد ضسر بزاف. وقررت باش نخدمو معايا في المافيا وداك شي لي كين وليت كنكلفو بغاع العمليات عل الاقل بعدتو على بنادم وصداعهم.
بعد شي شهورا دري لكبير غدي يعرف باباه اش كيسوى وهاد شي غدي يخربقو في دماغو ومتيقش اصلا هاد لهضرة حتا جا عندي و سولني. انا مقدرتش نكذب عليه و قلت ليه الحقيقة. مي واخا هكاك تقبلها وقاليا دابا عاد عرفت علاش بنادم ولا كخاف مني ومبقاوش يقربو جيهتي. ؤ واخا هو كيحارب الاجرام وداك شي مقدر ادير حتا حاجة ليا حيت عندو العائلة اهم من كولشي. مهم هو بقا في العمل ديالو وقاليا بلي الى طحت في ايدوم غدي يعقل عليا هههههه يعني الى تصادف معايا فشي عميلة غدي يطبق عليا القانون. ولكن هاد النهار مغديش ايجي حيت من بعد غدي يوقع واحد الحادث لي غدي يغير ليا حياتي 180 درجة. فاش كنا باغين نفذو واحد العملية في كوبا تعرضنا لهجوم على غفلة من الجيش الأمريكي. معرفت اش كانو كيديرو تما و علاش هجمو علينا. لمهم فهاد الحادث غدي نخسر ولدي الصغير. ملي شفتو طايح وميت مبقيت كنفكر فحتا شي حاجة وليت كنحس براسي في عالم اخر. من بعد هزيتو وهربنا مشينا تخبينا فواحد لبلاصة تما في كوبا بقينا يومين وحنا مخبين عاد رجعنا لمغرب و دفنت ولدي مي سكينة مصبراتش ولامتني بزاف وكان عندها الصح حيت انا السباب عند بالي الى دخلتو معايا غدي نقدر نحميه ساعة كنت غالط. وخديت واحد القرار باش نبعد على حياة المافيا بصفة نهائية.
دازت شي يامات و جمعت غاع الرجال والحلفاء وقلت ليهم بلي غدي نتخلى على حياة الاجرام بغيت نعيش هاد شي لي بقا ليا في عمري هاني قبل منخسر شي حد اخر من عائلتي. لمهم هما احتارمو القرار ديالي وقالو ليا بلي غدين يبقاو ديما رهن الاشارة ديالي.
من بعد استقريت في العروبية حدا واليديا درت واحد الفيرما تما وكمت حياتي انا وسكينة واخا بقات مصدومة من الموت ديال ولدنا مي من بعد عام رزقنا الله جوج بنيات توام ههههههه و كانت هادي هدية من الله عز وجل وعرفت بلي الله غفر ليا واخا غاع داك شي لي درت و الناس لي قتلت و زدت تمسكت بالحياة و قنعت بداك شي لي عطاني الله وقطعت وعد باش عمرني نشد شي طريق من غير طريق الله سبحانه.
مهم انا بديت كنقص من الأعمال و حتا الى كانت شي حاجة كنكلف غير الرجال. مبغيتش ولدي يشك فشي حاجة حيت مبقاش دري صغير را ولا عارف كولشي دابا. مي فاش جا لكازا مبقاش خدام مرتاح بكم هو عندو غير نيشان بدا كتعرض لمضايقات من طرف كبار الشخصيات حيت هما مولفين يخدمو بالتخلويض. وبدا كفكر استاقل ولكن هو كحب الخدمة ديالو وبقا كتقاتل معاهم وفي المدة لي دوز في كازا شد بزاف ديال المنحرفين و الخارجين عن القانون وطيح ريوس كبار هاد شي خلا بزاف ديال الناس كخافو منو و في نفس الوقت محاملينوش و بداو كخططو باش يتهناو منو.
واحد النهار كان راجع من الخدمة بالليل و هما يتبعوه شي وحدين بالطوموبيل وبداو كيتيريو فيه بالقرطاس مي فديك اللحظة هو قدر يهرب منهم. جا داك النهار لونو مخطوف و مخلوع بدينا كنهضرو معاه و عاود لينا اش وقع صافي وانا نشعل وقررت باش نوضع حد لهاد الشي. لغد ليه كان واحد المؤتمر و مجموعين فيه كبار الشخصيات غير سيدي و مولاي. وانا ندخل عليهم مشيت مباشرة لميكرو وقلت ليهم فلان هو ولدي ولي وقف في طريقو را غدي كون كيحفر قبرو بايدو. داك المؤتمر مقدروش اكملوه ملي عرفوني انا هو الاب ديالو. هاد شي درتو بلا خبارو. من بعد ملي مشا المقر ديال العمل ديالو كتفاجا ببنادم ولاو كحتارموه بزاف ؤ دوك لي كانو كيخرجو فيه عينيهم ولاو خايفين منو مهم مفهم والو.
من بعد الولد الصغير غدي يرجع من ألمانيا وغدي يبدى في المشاكيل عوتاني و ديما خوه هو لي كيدخل و كخرجو حيت كل مرة كضرب شي حد و كيتشد. ومهم ولا مكحلها في كازا كتعدا على اي واحد كيفما بغا يكون ولكن ملي عرفوه بلي العيمد هو خوه مبقا يقدر معاه حتا حد و زاد ضسر بزاف. وقررت باش نخدمو معايا في المافيا وداك شي لي كين وليت كنكلفو بغاع العمليات عل الاقل بعدتو على بنادم وصداعهم.
بعد شي شهورا دري لكبير غدي يعرف باباه اش كيسوى وهاد شي غدي يخربقو في دماغو ومتيقش اصلا هاد لهضرة حتا جا عندي و سولني. انا مقدرتش نكذب عليه و قلت ليه الحقيقة. مي واخا هكاك تقبلها وقاليا دابا عاد عرفت علاش بنادم ولا كخاف مني ومبقاوش يقربو جيهتي. ؤ واخا هو كيحارب الاجرام وداك شي مقدر ادير حتا حاجة ليا حيت عندو العائلة اهم من كولشي. مهم هو بقا في العمل ديالو وقاليا بلي الى طحت في ايدوم غدي يعقل عليا هههههه يعني الى تصادف معايا فشي عميلة غدي يطبق عليا القانون. ولكن هاد النهار مغديش ايجي حيت من بعد غدي يوقع واحد الحادث لي غدي يغير ليا حياتي 180 درجة. فاش كنا باغين نفذو واحد العملية في كوبا تعرضنا لهجوم على غفلة من الجيش الأمريكي. معرفت اش كانو كيديرو تما و علاش هجمو علينا. لمهم فهاد الحادث غدي نخسر ولدي الصغير. ملي شفتو طايح وميت مبقيت كنفكر فحتا شي حاجة وليت كنحس براسي في عالم اخر. من بعد هزيتو وهربنا مشينا تخبينا فواحد لبلاصة تما في كوبا بقينا يومين وحنا مخبين عاد رجعنا لمغرب و دفنت ولدي مي سكينة مصبراتش ولامتني بزاف وكان عندها الصح حيت انا السباب عند بالي الى دخلتو معايا غدي نقدر نحميه ساعة كنت غالط. وخديت واحد القرار باش نبعد على حياة المافيا بصفة نهائية.
دازت شي يامات و جمعت غاع الرجال والحلفاء وقلت ليهم بلي غدي نتخلى على حياة الاجرام بغيت نعيش هاد شي لي بقا ليا في عمري هاني قبل منخسر شي حد اخر من عائلتي. لمهم هما احتارمو القرار ديالي وقالو ليا بلي غدين يبقاو ديما رهن الاشارة ديالي.
من بعد استقريت في العروبية حدا واليديا درت واحد الفيرما تما وكمت حياتي انا وسكينة واخا بقات مصدومة من الموت ديال ولدنا مي من بعد عام رزقنا الله جوج بنيات توام ههههههه و كانت هادي هدية من الله عز وجل وعرفت بلي الله غفر ليا واخا غاع داك شي لي درت و الناس لي قتلت و زدت تمسكت بالحياة و قنعت بداك شي لي عطاني الله وقطعت وعد باش عمرني نشد شي طريق من غير طريق الله سبحانه.
النهاية
فيسبوك
جوجل+
تويتر
ليست هناك تعليقات:
إترك تعليقك