في القصة غدي نبدأ نهضر على علال بضمير انا لمهم تزاديت في عام 1980 بدوار ولاد مالك نواحي كازا ولداتني لوليدة غير في الدار حيت وصل وقتها وميمكنش تبقا حتا تمشي لصبيطار واصلا لومبيلونص تعطلات حيت ديال الجماعة وداك لي كيسوغها كيمشي يخطف بيها بلايص و يبريكولي بيها حيت تما مكينة حتى مراقبة يقدر يدير بيها لي بغا معلينا، الطفولة ديالي دازت بحال كما كدوزوها غاع دراري لي في العروبية لعبت في التراب و مشيت لجنانات ووووو راكم عارفين.ولكن ملي درت 13 عام تبدلت ؤ وليت كنخدم ملي مكنكونش قاري باش نعاون لواليد....
، مي مشي شي خدمة غير بركولات وصافي بعد لمرات كنمشي لسوق و كندبر على راسي . وكانو عندنا شي نعيجات مرة مرة كنمشي نسرحهم و كنبقا نصيد لفراخ ولحمام بجباد.واحد نهار قلت نديهم جيهت لغابة تما كيكون ربيع بزاف ملي وصلت تما لقيت واحد سارح لغنم ديالو و خفت الى يتخالطو لينا مشيت دخلتهم لغابة لداخل وبقيت كنضرب لفراخ، واحد شوية هو يخرج ليا حلوف تم جاي كيجري وهو يضرب ليا نعجة،ناري ميمتي لواليد تقيسو في عينو ومتقيسوش في نعاجو هههههه.طلع ليا الدم فديك اللحظة وكان عندي واحد لمانغو معقلتش حتا ضربت بيه داك لحلوف طاح طيحة وحدة، ملي رجعت لدار عاودت لوليد آش وقع ولكن تعصب معجبوش لحال وبدا يندب و شبع فيا سبان ديك الليلة.من تم حلفت منبقا ندوز جيهت لغابة.مي قلت خاصني نعوض لواليد النعجة. كانت حدانا واحد لبلاصة كيجيو الكاميوات كيخويو فيها نفايات البناء و كيكون فيهم الحديد و انا وليت كنميخل تما مع بنادم كنجمع لحديد ونبيعو من بعد سيمانة ديال التحوفير جمعت واحد البركة ومشيت لسوق كنت معول ناخد غير نعجة صغيرة ساعة لقيت لغنم طايحة وصدقت شاري جوج و كبار و وحدة فيهم قريبة تولد، هههههه متصوروش لفرحة الي فرح لوليد ملي دخلتهم عليه. أنا بانت ليا الهوتة فهاد التبوعيرة ؤ وليت فنما نخرج من المدرسة كنمشي نبوعر تما كل نهار كنجيب ما بين 100 و 250 درهم على حساب شحال من كيلو جمعت ديال لحديد و بي شحال كنبيع لكيلو.مي نهار لعيان كنجيب فيه 100 درهم. من بعد ما درت 18عام وخديك الباكالوريا ديالي وليت كنخدم مع واحد عندو لافيراي باش نقدر نكمل قرايتي في الجامعة ؤ وليت كنشري لحديد من عند دوك لي كجمعوه وكنبيعو لداك مول لافيراي وليت كنتوشي لعاقة مزيان و بلا عذاب. بقيت فهاد لافير شي عامين وفهاد لمدة كان مرة مرة كيجيو واحد الرجال في طوموبيل بحال ديال الهيئات الدبلوماسية مي فيها ماتريكيل عادي.مكنتش كنتسوق ليهم كنت كنقول غيكونو غير مراقبين ؤلا شي حاجة بحال هاكا، حتال واحد نهار جاو و هوما يقصدوني، سولوني على واحد خينا سميتو (عابد)، قلت ليهم معمرني سمعت هاد سمية هنا، صافي ومشاو مي مرة مرة كيجيو اضربو طلة وكنقول واقيلا غير كيقلبو على داك لي سميتو عابد دازت شي سيمانة تقريبا انا تعرم عليا لافيراي وخاصني نديه نبيعو عيطت لداك سيد لي خدام معاه وقلت ليه يصيفت ليا كاميو على حسابي، بقيت كنتسنا وهوما يوقفو دوك خوتنا عوتاني، جاو عندي وهاد لمرة جاو معاهم دريات يلا قالو ليا السلام و انا نقوليهم داك السيد لي كتقلبو عليه را مكينش هنا ومعمرني سمعت شي واحد سميتو عابد راني مدة وانا خدام هنا.قالو ليا حنا مكنقلبوش عليه غير درناه سبة وانا نقوليهم وعلاش كتقلبو؟قالو ليا حنا كنا مراقبينك و جمعنا عليك بزاف ديال المعلومات ولقينا بلي غنستافدو منك وبغيناك تخدم معانا.وانا نقوليهم انا مكنخدمش عند بنادم. وكانو هازين في ايديهم واحد.....كانو هازين في ايديهم واحد الصاك حطوه قدامي وحلوه، ويلي مي شحال ديال لفلوس فيه غير الزرقة على ختها، قالو ليا الى خدمتي معانا غتربح كثر من هاد الشي لي كتشوف ومغادي يبقا يقد عليك حتا شي حد في العالم.ملي سمعت هاد لهضرة وشفت داك الصاك ديال لفلوس تحلو ليا العينين حيت موالف الى شفت شي لعاقة صحيحة كتكون ديك 10000 درهم ؤلا 15000 ودابا انا محطوط قدامي صاااااك الى جيت نحسب داك شي لي فيه غدي نتلف. وانا نقوليهم فاش غدي نخدم، قالو ليا يلا معانا وغدي تعرف كولشي وهوما يديوني معاهم في الطوموبيل خليت لحديد و كولشي ومشيت معاهم. واش غدي تشوف صاك عامر فلوس وغدي تقوليهم لا!! ملي كنّا غدين في الطريق شداتني لخلعة حيت دوك خوتنا مكيدويو ما والو غير ساكتين و كيشوفو غير قدامهم، بديت كنهبط ونطلع فواحد فيهم وهو يبان ليا عندو فردي!! ناري ميمتي آش هاد شي ؟!و انا نسولهم قلت ليهم فين غدين؟!تا واحد فيهم مجاوبني. لمهم بديت كنشوف في الطريق وانا نعرف بلي هدي طريق طاماريس حيت فايت ليا مشيت لبحر ديال طاماريس.شوية وحنا نوصلو لواحد لفيرمة تا اشمن فيرمة وا قول قصر.وفينما تلافت كيبان ليا بنادم قدو قداش و كولشي لابس كوستوم كحل و عندهم فرادة صافي وانا نقول مع راسي هادو بوليس وبغاوني نخدم معاهم يا حليلي غدي نولي بوليسي ههههه. دخلوني لواحد الصالون كبيييير و بقاو واقفين عليا شي وحدين منهم شوية هو يجي واحد لبعلوك انا في الاول كيحساب ليا غير دري ساعة هو راجل قزمي هههه ؤ هو الرئيس. جا ريح فواحد لكرسي كبييير وبدا كيسول فيا و يتعرف عليا و سولني واش عمرني ضربت شي حد وانا نقوليه فايت قتلت!!سيد بدا كتعجب قاليا شكون قتلتي قلت ليه واحد الحلوف في الغابة ضربتو ضربة وحدة حيت قتل ... بديت كنسرد ليه لقصة كاملة وهو شد راسو وبدا كضحك تم عرفني بلي مقطع لوراق هههههه. وهو يقوليا انا كنهضر ليك علا بنادم، قلت ليه لا انا معمرني دابزت حيت داخل سوق راسي.وهو يشوف فواحد خونا وقاليه ديوه لشمال. انا سمعت الشمال كيحساب ليا شي بلاصة مسمينها الشمال، وانا نسولو علاش غيديوني تما؟قاليا باش نوجدوك و تبدا معانا لخدمة قلت ليه خاصني بعدا نمشي نجمع حوايجي ونعلم والديا، هزوني في طوموبيل وداوني لدار قلت لهم ها آش كين وكين. لمهم صدقت نيت غدي لشمال وبالضبط طنجة عندهم واحد لبلاصة تما دايرة بحال شي معسكر دخلوني ؤوراني الشومبر ديالي دخلت حطيت صاك ديالي وبقيت كنشوف في الحيوط ديال الشومبر شوية وهو يدخل عندي واحد لعزي طويل قاليا تجمععععع من ليوم مكين لا راحة لا نعاس!!مكين غير اللونتريمة مع الفجر والعومان بالما بارد، بديت كنشوف فيه وانا كنضحك فخاطري حيت هاد شي مدوزو ومدوز ما كتر منو. معلينا داني معاه لواحد لقاعة وتما لقيت بزاف ديال الدراري ودريات يلا داخلين ريحت شوية بدا كشرح لينا القوانين ديال هاد المعسكر والتكوين وووو وانا نقز وسولتو قلت ليه اشنو لخدمة لي غادي نخدمو ملي غدي نكملو هاد التكوين، قاليا نتوما غدين توليو عملاء ديال اكبر مافيا في المغرب وافريقيا.غير قال مافيا و هو يبدى لهراج في القاعة كولشي بدا يهضر و كين لي تعصب حيت هما بحالي مكنوش عرفين فاش غيخدمو. انا مفهمت والو حيت كلمة مافيا ماعرفش لمعنى ديالها، وهو يبدا يضرب فواحد الطابلة وقالينا سكاااااااات!!!! ولى سقييييل في القاعة وهو يقولينا لي دخل هنا ميمكنش ليه يتراجع غير وجدو راسكم. لغد مع الفجر جا بدا كيفيق ليا فبنادم ولي مفقش كيخوي عليه صطل ديال لما بارد، كنفيقو وكندوشو بما بارد و كنبداو اللونتريما انا كانت كتجيني عادي حيت داك شي موالف بيه، لفياق بكري ولعومان بلما بارد!! لمهم الشهر لول كيبداو يعزلو فبنادم شكون لي غيبقى وشكون لي ميقدرش يكمل و كيصيفطوه فحالو، بقيت انا ؤ ثلاثة ديال دراري وجوج دريات. فهاداك شهر بداو كيعلمونا كفاش نشدو سلاح وداك شي و بداو كيقريونا شي حوايج ديال التجوسيس وبزاف.ولا عجبنا الحال اصلا واخا كون كملنا قرايتنا غدي نبقاو ديما عبيد فهاد لبلاد اللهم ندخلو لمافيا. مهم دوزنا شي شهرين تما من بعد صيفتو جوج دراري ومعاهم درية لجنوب افريقيا والدري لخر صيفتوه لطاليان هدا لخدمة ديالو غير المراقبة وانا والدرية رجعنا لكازا عند البوس داك القزمي، درية ولات مساعدة ديالو وانا كلفوني بالصفقات ديال لحشيش وجميع الممنوعات و النصب على الناس لي لاباس عليهم والابتزاز.معلينا بقيت خدام معاهم عطاوني طوموبيل وفردي ؤواحد لاكارط هديك لاكارط كنجبدها لشي بوليسي كولي يترعد لموشكيلة مامكتوب فيها والو فيها يلا فيها تصويرتي ؤ واحد الشعار معرفتش ديالاش لمهم فينما مشيت وحبسني شي بوليسي ؤلا وقفني كنوريها ليه غير كيشوفها كتلقني. من بعد كانت عندي واحد الصفقة ديال الكوكايين مع شي نغالزا السمانة الجاية قلت بينما يجي داك النهار نمشي نشوف لواليد ولوليدة، مشيت لدار وبقيت معاهم ،لواليد شاف الكوستوم والطوموبيل قاليا منين جاوك قلت ليه دياول لخدمة الواليد. وقلبت لموضوع مبغيتوش اسولني فاش خدام . قلت ليه يلا نخرجكم! ديك السمانة ....
يتبع..، مي مشي شي خدمة غير بركولات وصافي بعد لمرات كنمشي لسوق و كندبر على راسي . وكانو عندنا شي نعيجات مرة مرة كنمشي نسرحهم و كنبقا نصيد لفراخ ولحمام بجباد.واحد نهار قلت نديهم جيهت لغابة تما كيكون ربيع بزاف ملي وصلت تما لقيت واحد سارح لغنم ديالو و خفت الى يتخالطو لينا مشيت دخلتهم لغابة لداخل وبقيت كنضرب لفراخ، واحد شوية هو يخرج ليا حلوف تم جاي كيجري وهو يضرب ليا نعجة،ناري ميمتي لواليد تقيسو في عينو ومتقيسوش في نعاجو هههههه.طلع ليا الدم فديك اللحظة وكان عندي واحد لمانغو معقلتش حتا ضربت بيه داك لحلوف طاح طيحة وحدة، ملي رجعت لدار عاودت لوليد آش وقع ولكن تعصب معجبوش لحال وبدا يندب و شبع فيا سبان ديك الليلة.من تم حلفت منبقا ندوز جيهت لغابة.مي قلت خاصني نعوض لواليد النعجة. كانت حدانا واحد لبلاصة كيجيو الكاميوات كيخويو فيها نفايات البناء و كيكون فيهم الحديد و انا وليت كنميخل تما مع بنادم كنجمع لحديد ونبيعو من بعد سيمانة ديال التحوفير جمعت واحد البركة ومشيت لسوق كنت معول ناخد غير نعجة صغيرة ساعة لقيت لغنم طايحة وصدقت شاري جوج و كبار و وحدة فيهم قريبة تولد، هههههه متصوروش لفرحة الي فرح لوليد ملي دخلتهم عليه. أنا بانت ليا الهوتة فهاد التبوعيرة ؤ وليت فنما نخرج من المدرسة كنمشي نبوعر تما كل نهار كنجيب ما بين 100 و 250 درهم على حساب شحال من كيلو جمعت ديال لحديد و بي شحال كنبيع لكيلو.مي نهار لعيان كنجيب فيه 100 درهم. من بعد ما درت 18عام وخديك الباكالوريا ديالي وليت كنخدم مع واحد عندو لافيراي باش نقدر نكمل قرايتي في الجامعة ؤ وليت كنشري لحديد من عند دوك لي كجمعوه وكنبيعو لداك مول لافيراي وليت كنتوشي لعاقة مزيان و بلا عذاب. بقيت فهاد لافير شي عامين وفهاد لمدة كان مرة مرة كيجيو واحد الرجال في طوموبيل بحال ديال الهيئات الدبلوماسية مي فيها ماتريكيل عادي.مكنتش كنتسوق ليهم كنت كنقول غيكونو غير مراقبين ؤلا شي حاجة بحال هاكا، حتال واحد نهار جاو و هوما يقصدوني، سولوني على واحد خينا سميتو (عابد)، قلت ليهم معمرني سمعت هاد سمية هنا، صافي ومشاو مي مرة مرة كيجيو اضربو طلة وكنقول واقيلا غير كيقلبو على داك لي سميتو عابد دازت شي سيمانة تقريبا انا تعرم عليا لافيراي وخاصني نديه نبيعو عيطت لداك سيد لي خدام معاه وقلت ليه يصيفت ليا كاميو على حسابي، بقيت كنتسنا وهوما يوقفو دوك خوتنا عوتاني، جاو عندي وهاد لمرة جاو معاهم دريات يلا قالو ليا السلام و انا نقوليهم داك السيد لي كتقلبو عليه را مكينش هنا ومعمرني سمعت شي واحد سميتو عابد راني مدة وانا خدام هنا.قالو ليا حنا مكنقلبوش عليه غير درناه سبة وانا نقوليهم وعلاش كتقلبو؟قالو ليا حنا كنا مراقبينك و جمعنا عليك بزاف ديال المعلومات ولقينا بلي غنستافدو منك وبغيناك تخدم معانا.وانا نقوليهم انا مكنخدمش عند بنادم. وكانو هازين في ايديهم واحد.....كانو هازين في ايديهم واحد الصاك حطوه قدامي وحلوه، ويلي مي شحال ديال لفلوس فيه غير الزرقة على ختها، قالو ليا الى خدمتي معانا غتربح كثر من هاد الشي لي كتشوف ومغادي يبقا يقد عليك حتا شي حد في العالم.ملي سمعت هاد لهضرة وشفت داك الصاك ديال لفلوس تحلو ليا العينين حيت موالف الى شفت شي لعاقة صحيحة كتكون ديك 10000 درهم ؤلا 15000 ودابا انا محطوط قدامي صاااااك الى جيت نحسب داك شي لي فيه غدي نتلف. وانا نقوليهم فاش غدي نخدم، قالو ليا يلا معانا وغدي تعرف كولشي وهوما يديوني معاهم في الطوموبيل خليت لحديد و كولشي ومشيت معاهم. واش غدي تشوف صاك عامر فلوس وغدي تقوليهم لا!! ملي كنّا غدين في الطريق شداتني لخلعة حيت دوك خوتنا مكيدويو ما والو غير ساكتين و كيشوفو غير قدامهم، بديت كنهبط ونطلع فواحد فيهم وهو يبان ليا عندو فردي!! ناري ميمتي آش هاد شي ؟!و انا نسولهم قلت ليهم فين غدين؟!تا واحد فيهم مجاوبني. لمهم بديت كنشوف في الطريق وانا نعرف بلي هدي طريق طاماريس حيت فايت ليا مشيت لبحر ديال طاماريس.شوية وحنا نوصلو لواحد لفيرمة تا اشمن فيرمة وا قول قصر.وفينما تلافت كيبان ليا بنادم قدو قداش و كولشي لابس كوستوم كحل و عندهم فرادة صافي وانا نقول مع راسي هادو بوليس وبغاوني نخدم معاهم يا حليلي غدي نولي بوليسي ههههه. دخلوني لواحد الصالون كبيييير و بقاو واقفين عليا شي وحدين منهم شوية هو يجي واحد لبعلوك انا في الاول كيحساب ليا غير دري ساعة هو راجل قزمي هههه ؤ هو الرئيس. جا ريح فواحد لكرسي كبييير وبدا كيسول فيا و يتعرف عليا و سولني واش عمرني ضربت شي حد وانا نقوليه فايت قتلت!!سيد بدا كتعجب قاليا شكون قتلتي قلت ليه واحد الحلوف في الغابة ضربتو ضربة وحدة حيت قتل ... بديت كنسرد ليه لقصة كاملة وهو شد راسو وبدا كضحك تم عرفني بلي مقطع لوراق هههههه. وهو يقوليا انا كنهضر ليك علا بنادم، قلت ليه لا انا معمرني دابزت حيت داخل سوق راسي.وهو يشوف فواحد خونا وقاليه ديوه لشمال. انا سمعت الشمال كيحساب ليا شي بلاصة مسمينها الشمال، وانا نسولو علاش غيديوني تما؟قاليا باش نوجدوك و تبدا معانا لخدمة قلت ليه خاصني بعدا نمشي نجمع حوايجي ونعلم والديا، هزوني في طوموبيل وداوني لدار قلت لهم ها آش كين وكين. لمهم صدقت نيت غدي لشمال وبالضبط طنجة عندهم واحد لبلاصة تما دايرة بحال شي معسكر دخلوني ؤوراني الشومبر ديالي دخلت حطيت صاك ديالي وبقيت كنشوف في الحيوط ديال الشومبر شوية وهو يدخل عندي واحد لعزي طويل قاليا تجمععععع من ليوم مكين لا راحة لا نعاس!!مكين غير اللونتريمة مع الفجر والعومان بالما بارد، بديت كنشوف فيه وانا كنضحك فخاطري حيت هاد شي مدوزو ومدوز ما كتر منو. معلينا داني معاه لواحد لقاعة وتما لقيت بزاف ديال الدراري ودريات يلا داخلين ريحت شوية بدا كشرح لينا القوانين ديال هاد المعسكر والتكوين وووو وانا نقز وسولتو قلت ليه اشنو لخدمة لي غادي نخدمو ملي غدي نكملو هاد التكوين، قاليا نتوما غدين توليو عملاء ديال اكبر مافيا في المغرب وافريقيا.غير قال مافيا و هو يبدى لهراج في القاعة كولشي بدا يهضر و كين لي تعصب حيت هما بحالي مكنوش عرفين فاش غيخدمو. انا مفهمت والو حيت كلمة مافيا ماعرفش لمعنى ديالها، وهو يبدا يضرب فواحد الطابلة وقالينا سكاااااااات!!!! ولى سقييييل في القاعة وهو يقولينا لي دخل هنا ميمكنش ليه يتراجع غير وجدو راسكم. لغد مع الفجر جا بدا كيفيق ليا فبنادم ولي مفقش كيخوي عليه صطل ديال لما بارد، كنفيقو وكندوشو بما بارد و كنبداو اللونتريما انا كانت كتجيني عادي حيت داك شي موالف بيه، لفياق بكري ولعومان بلما بارد!! لمهم الشهر لول كيبداو يعزلو فبنادم شكون لي غيبقى وشكون لي ميقدرش يكمل و كيصيفطوه فحالو، بقيت انا ؤ ثلاثة ديال دراري وجوج دريات. فهاداك شهر بداو كيعلمونا كفاش نشدو سلاح وداك شي و بداو كيقريونا شي حوايج ديال التجوسيس وبزاف.ولا عجبنا الحال اصلا واخا كون كملنا قرايتنا غدي نبقاو ديما عبيد فهاد لبلاد اللهم ندخلو لمافيا. مهم دوزنا شي شهرين تما من بعد صيفتو جوج دراري ومعاهم درية لجنوب افريقيا والدري لخر صيفتوه لطاليان هدا لخدمة ديالو غير المراقبة وانا والدرية رجعنا لكازا عند البوس داك القزمي، درية ولات مساعدة ديالو وانا كلفوني بالصفقات ديال لحشيش وجميع الممنوعات و النصب على الناس لي لاباس عليهم والابتزاز.معلينا بقيت خدام معاهم عطاوني طوموبيل وفردي ؤواحد لاكارط هديك لاكارط كنجبدها لشي بوليسي كولي يترعد لموشكيلة مامكتوب فيها والو فيها يلا فيها تصويرتي ؤ واحد الشعار معرفتش ديالاش لمهم فينما مشيت وحبسني شي بوليسي ؤلا وقفني كنوريها ليه غير كيشوفها كتلقني. من بعد كانت عندي واحد الصفقة ديال الكوكايين مع شي نغالزا السمانة الجاية قلت بينما يجي داك النهار نمشي نشوف لواليد ولوليدة، مشيت لدار وبقيت معاهم ،لواليد شاف الكوستوم والطوموبيل قاليا منين جاوك قلت ليه دياول لخدمة الواليد. وقلبت لموضوع مبغيتوش اسولني فاش خدام . قلت ليه يلا نخرجكم! ديك السمانة ....
فيسبوك
جوجل+
تويتر
ليست هناك تعليقات:
إترك تعليقك